Laugardaginn 12. maí 2018 kl. 11 hefst Sindratorfæran á Hellu. Mikil spenna er í fólki þar sem þetta er fyrsta umferð íslandsmótsinns og upphaf keppnistímabilsinns í torfæru.
21 keppandi er skráður til leiks og ef keppenda listinn er skoðaðu má þar sjá nöfn sem margir þekkja á borð við Gísla G. Jónsson, Árna Kóps og mörg fleiri. Nýir keppendur eru allnokkrir, Ásmundur Ingjaldsson, Páll jónsson, Guðmundur Elíasson og fleiri, sumir hverjir á nýsmíðuðum bílum sem aldrei hafa sést áður. Þeir keppendur sem hafa verið að slást um titilin undanfarin ár eru að sjálfsögðu á lista, þeir Atli Jamil á Thunderbolt, Magnús Sig á Kubbnum, Geir Evert á Sleggjunni, Þór Þormar á Thor og fleiri til í sérútbúna flokknum og þeir Steingrímur Bjarnason á Strumpnum og Ívar Guðmundsson á Kölska í götubílaflokknum.
Akstursíþróttasvæði Flugbjörgunarsveitarinnar á Hellu rétt austan Hellu hefur sjaldan litið betur út og er búið að leggja mikin metnað í svæðið og brautirnar. Áin og mýrin verða að sjálfsögðu á sínum stað auk brauta í börðum og sandbrekkum ásamt mjög hraðri tímabraut þar sem oft verða mikil tilþrif.
Allar upplýsingar má nálgast hér https://www.facebook.com/events/1962069887339522/
Ökumenn sem eru í óða önn að leggja loka hönd á keppnisstækin lofa miklum tilþrifum og skemmtun fyrir alla fjölskylduna og vonumst við til að sjá sem flesta.
Flugbjörgunarsveitin á Hellu og Akstursíþróttanefnd Heklu
